Hættir sem leikhússtjóri og hefur störf í ráðuneytinu Atli Ísleifsson skrifar 19. mars 2024 11:22 Marta Nordal var skipuð leikhússtjóri Leikfélags Akureyrar árið 2018. LA Marta Nordal hefur ákveðið að hætta sem leikhússtjóri Leikfélags Akureyrar. Hún hefur gegnt stöðunni frá árinu 2018. Marta greindi frá ákvörðun sinni í færslu á Facebook í gær. Þar segir hún að allt hafi sinn tíma og hafi hún nú ákveðið að snúa sér að öðrum verkefnum. Á leið í ráðuneytið Marta segir í samtali við Vísi að hún hafi átt frábæran tíma hjá Leikfélagi Akureyrar. „Ég og við erum búin að vinna marga sigra. Síðan kemur að því að lífið fer í aðra stefnu. Ég er komin með annað starf og taldi þetta rétta tímapunktinn fyrir mig að færa mig. Ég fæ að hætta á toppnum þegar allt gengur vel og get kvatt sátt. Ég er mjög þakklát fyrir minn tíma hjá leikfélaginu. Ég hef notið þess í botn og elska Akureyri.“ Marta segir að hún muni nú hefja störf í ráðuneyti menningarmála sem sérfræðingur í sviðslistum. Hún sé spennt fyrir verkefnum og fái áfram að starfa á þessum vettvangi þó að það sé undir öðrum formerkjum. „Þetta er líka tækifæri fyrir mig að bæta við þekkingu,“ segir Marta. Einstök gæfa Í færslu sinni á Facebook segir Marta að það sé einstök gæfa að fá að starfa við það sem maður elski og hefi ástríðu fyrir. Eiginlega ein mesta gæfa sem hægt sé að hugsa sér. „Nú hef ég verið leikhússtjóri Leikfélags Akureyrar frá árinu 2018 og notið hverrar stundar enda starf þar sem öll mín þekking, reynsla og sýn kemur saman. Þessi tími hefur verið hreint út sagt stórkostlegur, eiginlega ólýsanlegur og þar hefur hvergi borið skugga á þrátt fyrir ýmsar áskoranir. Það er ekki allt auðvelt sem er einhvers virði. En uppskeran er líka ríkuleg. Þegar draumur verður að veruleika og til verður sýning sem fólk elskar og nýtur þess að sækja, það er ólýsanleg tilfinning. Þetta þekkir allt leikhúsfólk. En lykillinn að velgengni er fólkið á bakvið verkefnin. Leikhús verður alltaf til í samvinnu og sameiginlegri sýn. Það sem stendur uppúr þegar ég lít tilbaka er mitt einstaka samstarfsfólk hjá MAK og það hæfileikaríka listafólk sem hefur komið að verkefnunum hjá okkur. Þið hafið gefið mér meira en orð fá lýst og gert mér kleift að láta stóra drauma rætast og njóta hverrar mínútu í að búa þá til. Við eigum þetta saman og ég á ykkur allt að þakka. En allt hefur sinn tíma og hef ég nú ákveðið að hætta sem leikhússtjóri og snúa mér að öðrum verkefnum. Ég er stolt og þakklát fyrir að hafa fengið tækifæri til að leiða Leikfélag Akureyrar á undanförnum árum og vonandi átt þátt í að efla það og styrkja. Við höfum sett á svið metnaðarfullar sýningar, stuðlað að fræðslu í leiklistarskólanum og sviðslistabraut MA og átt í margs konar samstarfi við stofnanir og hópa. Nú stíg ég til hliðar og fæ að fylgjast áfram með Leikfélagi Akureyrar vaxa og dafna. Takk elsku samstarfsfólk fyrir gleðina, hláturinn, ástríðuna og stuðninginn og takk áhorfendur fyrir að koma og njóta. Ég kveð með stolti, söknuði og hlýju í hjarta,“ segir Marta. Akureyri Leikhús Menning Stjórnsýsla Vistaskipti Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið Setja upp söngleiki, leikrit og tónleika í Háskólabíó í sumar Lífið Heitustu trendin fyrir sumarið 2024 Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið Myndaveisla: Sællegar skvísur í sumarfíling Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Marta greindi frá ákvörðun sinni í færslu á Facebook í gær. Þar segir hún að allt hafi sinn tíma og hafi hún nú ákveðið að snúa sér að öðrum verkefnum. Á leið í ráðuneytið Marta segir í samtali við Vísi að hún hafi átt frábæran tíma hjá Leikfélagi Akureyrar. „Ég og við erum búin að vinna marga sigra. Síðan kemur að því að lífið fer í aðra stefnu. Ég er komin með annað starf og taldi þetta rétta tímapunktinn fyrir mig að færa mig. Ég fæ að hætta á toppnum þegar allt gengur vel og get kvatt sátt. Ég er mjög þakklát fyrir minn tíma hjá leikfélaginu. Ég hef notið þess í botn og elska Akureyri.“ Marta segir að hún muni nú hefja störf í ráðuneyti menningarmála sem sérfræðingur í sviðslistum. Hún sé spennt fyrir verkefnum og fái áfram að starfa á þessum vettvangi þó að það sé undir öðrum formerkjum. „Þetta er líka tækifæri fyrir mig að bæta við þekkingu,“ segir Marta. Einstök gæfa Í færslu sinni á Facebook segir Marta að það sé einstök gæfa að fá að starfa við það sem maður elski og hefi ástríðu fyrir. Eiginlega ein mesta gæfa sem hægt sé að hugsa sér. „Nú hef ég verið leikhússtjóri Leikfélags Akureyrar frá árinu 2018 og notið hverrar stundar enda starf þar sem öll mín þekking, reynsla og sýn kemur saman. Þessi tími hefur verið hreint út sagt stórkostlegur, eiginlega ólýsanlegur og þar hefur hvergi borið skugga á þrátt fyrir ýmsar áskoranir. Það er ekki allt auðvelt sem er einhvers virði. En uppskeran er líka ríkuleg. Þegar draumur verður að veruleika og til verður sýning sem fólk elskar og nýtur þess að sækja, það er ólýsanleg tilfinning. Þetta þekkir allt leikhúsfólk. En lykillinn að velgengni er fólkið á bakvið verkefnin. Leikhús verður alltaf til í samvinnu og sameiginlegri sýn. Það sem stendur uppúr þegar ég lít tilbaka er mitt einstaka samstarfsfólk hjá MAK og það hæfileikaríka listafólk sem hefur komið að verkefnunum hjá okkur. Þið hafið gefið mér meira en orð fá lýst og gert mér kleift að láta stóra drauma rætast og njóta hverrar mínútu í að búa þá til. Við eigum þetta saman og ég á ykkur allt að þakka. En allt hefur sinn tíma og hef ég nú ákveðið að hætta sem leikhússtjóri og snúa mér að öðrum verkefnum. Ég er stolt og þakklát fyrir að hafa fengið tækifæri til að leiða Leikfélag Akureyrar á undanförnum árum og vonandi átt þátt í að efla það og styrkja. Við höfum sett á svið metnaðarfullar sýningar, stuðlað að fræðslu í leiklistarskólanum og sviðslistabraut MA og átt í margs konar samstarfi við stofnanir og hópa. Nú stíg ég til hliðar og fæ að fylgjast áfram með Leikfélagi Akureyrar vaxa og dafna. Takk elsku samstarfsfólk fyrir gleðina, hláturinn, ástríðuna og stuðninginn og takk áhorfendur fyrir að koma og njóta. Ég kveð með stolti, söknuði og hlýju í hjarta,“ segir Marta.
Akureyri Leikhús Menning Stjórnsýsla Vistaskipti Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið Setja upp söngleiki, leikrit og tónleika í Háskólabíó í sumar Lífið Heitustu trendin fyrir sumarið 2024 Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið Myndaveisla: Sællegar skvísur í sumarfíling Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira